Habari/News

Kitoweo cha samaki chamfanya ajinyonge

Tarehe January 6, 2017

Mahabusu ajinyonga akiwa kituoni.

Mkazi Mmoja wa Kijiji cha Kalundi kilichopo Kata ya Kipande Wilayani Nkasi, Vedast Kazumba ,51, amejiua kwa kujinyonga kwa kile kilichodaiwa kuwa alighadhabika, baada ya mkewe kumnyima kitoweo cha samaki mbichi.

Kamanda wa Polisi Mkoa wa Rukwa, George Kyando amethibitisha tukio hilo na kusema tukio hilo lilitokea usiku wa mkesha wa Mwaka Mpya na kwamba Kazumba alifikia uamuzi huo mgumu kwa kujinyonga akitumia kamba ya katani .

Amesema kuwa hakuna mtu yeyote anayeshikiliwa na polisi kuhusu tukio hilo na uchunguzi wake unaendelea.

Habari kutoka kijijini humo, zinaeleza kuwa chanzo cha Kazumba kujinyonga ni kukasirishwa na kitendo cha mkewe, Antoniata Mwisua kumnyima kitoweo cha samaki mbichi.

“Mke wa marehemu aitwae Antoniata alimwandalia mumewe huyo chakula cha usiku, kitoweo chake kikiwa ni samaki mbichi alimkomba samaki huyo kisha akamwomba amwongezee kitoweo kingine cha samaki, lakini mkewe alimweleza kuwa kitoweo hicho kimekwisha. Ndipo mumewe alipokasirika akidai kuwa mkewe amemnyima kwa makusudi kitoweo hicho ndipo alipochukua hatua ya kuzira kula,” amesema mmoja wa mashuhuda.

Mwenyekiti wa Kijiji cha Kalundi, John Kalasa amedai kuwa marehemu wakati wa uhai wake alikuwa ni mtu mwenye kujawa na ghadhabu ambapo mara kadhaa alisikika akitishia kujinyonga.

 

Email this page

To:
From
Subject
Message
Code

Maoni